Hiru Ohorezko Aipamenekin bueltatu dira Andoaingo Piano Jaialditik

Otsailaren 23 eta 24an Andoaingo 8. Piano Jaialdiak 900 pianojole gazte hartu zituen, tartean Eibartik joandako 55 bat ume eta gazte. Horien artean Ohorezko Aipamena jaso zuten 9 urteko Aitana Ronchetti Velascok (bakarlarietan, A mailan) J´ai rêvé que j´étais un papillon (K. Ishii) piezarekin eta 12 urteko Jon Azkune Zuloagak eta 13 urteko Jorge Lahidalga Etxeberriak Gartenmelodie (R. Schumann) piezarekin (lau eskutara, B mailan). Hiru pianojoleak Isabel Laspiurren ikasleak dira; mutilek zazpigarrenez hartu dute parte Andoaingo piano lehiaketa ospetsuan eta neskatilarentzat, berriz, bigarren aldia izan da.