Ikertzaile euskaldun gazteekin ikerl(h)ari bideo-podcasta egin du UEUk

Ikertzaile gazteen ikusgarritasuna areagotu eta ikertzaile euskaldun gazteen iritzia jasotzeko asmoz, Udako Euskal Unibertsitateak (UEU) ikerl(h)ari bideo-podcasta eta ikertzaile aitzindariei buruzko bi dokumental argitaratuko ditu azaroan. Alde batetik, lau bideo-podcast grabatu dituzte, ikertzaile gazte euskaldunekin, gai hauek lantzeko: komunitatea, euskara, zaintza eta etorkizuna. Bideo-podcastean parte hartu duten ikerlarien artean Jone Amuategi Aulestiarte eibartarra dago. Eguen honetan kaleratuko duten podcastean euskarari buruz aritu da, Miren Aldasoro Lezea (Altsasu) eta Naia Laka Arrizubieta (Ispaster) ikertzaileekin batera. Aurkezle lanak, bestalde, Unai Lertxundi Ferranek (Tolosa) egin ditu, Ingeniaritza Aplikatuan doktoregaia, azken Ikergazteko kongresuko batzorde dinamizatzaileko kidea eta UEUko bazkideak.

Jarraian daukazue podcastaren egutegia:

Azaroak 9. Komunitatea. IKUSI HEMEN. Maite Luengo Aguirre (Arrigorriaga), Olatz Perez de Viñaspre Garralda (Gasteiz), Aitor Cevidanes Miranda (Donostia)

Azaroak 16. Euskara. Miren Aldasoro Lezea (Altsasu), Jone Amuategi Aulestiarte (Eibar) eta Naia Laka Arrizubieta (Ispaster)

Azaroak 23. Zaintza. Eider Saragueta Garrido (Orio) eta Ander Prieto de Garay (Gasteiz)

Azaroak 29. Etorkizuna. Jone Rubio Mazkiaran (Altsasu), Jon Egaña Huguet (Algorta) eta Aroia Burguete Mikeo (Lekunberri)

Bestetik, ikerketaren esparruan egindako lana ezagutarazi eta errekonozitzeko helburuarekin, bi ikertzaile aitzindariren testigantzak jaso dituzte dokumental labur bitan, UEUkideak biak. Egun hauetan ikusiko dute argia:

Azaroak 14. Jose Ramon Etxebarria Bilbao

Azaroak 28. Mari Luz Esteban Galarza

Bira produkzioaren laguntzarekin egindako Ikerl(h)ari bideo-podcasta eta ikus-entzunezkoak kusgai eta entzungai izango dituzue plataforma desberdinetan: Youtube kanalean, PeerTube kanalean, Ivoox-en eta Spotify-n.