Imanol Ituiñoren magia-ikuskizuna antolatu du ...eta kitto!-k urtarrileko azken egunerako

Urteroko ohiturari jarraituz, urte berriarekin batera magia-ikuskizuna antolatu du ...eta kitto! Euskara Elkarteak familientzat. Urtarrilaren 31n, barixakua, Imanol Ituiño magoa izango da Coliseo antzokian 18:30etik aurrera. Ez da sarrerarik ordaindu behar baina ikuskizunera sartzeko gonbidapena beharko da. Euskara elkartetik diotenez, "gonbidapenak jasotzerako orduan lehentasuna izango dute Gurasoak Berbetan eta Ongietorri programetako familiek, baina urtarrilaren 27tik aurrera herritar orok izango du gonbidapenak jasotzeko aukera". Horretarako ...eta kitto!-ren bulegotik pasa beharko da (Urkizu 11 solairartea).