Jose Miguel Laskurainek “Gogoratzen” izenburuko suitea kaleratu berri du

Jose Miguel Laskurain konpositore eta orkestra zuzendariak bere lanik berriena, “Gogoratzen” izenburuko suitea kaleratu du aste honetan sare sozialetan. Txistuak, biolontxeloak eta pianoak osatutako ganbera-taldearentzat idatzitako lana da eta lau mugimenduk osatzen dute partitura: “Oroimena” “Bihotzez”, “Itxaropena” eta “Etorkizuna”. Horrela, Laskurainek bizi izandako une ezberdinak musikaren bidez gogoratu nahi izan ditu obra hau idaztean. YouTubeko bere kanalean entzun daiteke lan berria.