Julian Borao poetak saioa eskainiko du zapatu arratsaldean Itzamnan
2017/02/10
18:06
eta kitto!
Itzamna poesia tailerraren eskutik zapatuan, 18:00etatik aurrera, Julian Borao poeta bilbotarra izango da Bittor Sarasketa kaleko akademian, “Dias pares e impares” bere liburuari jarraituta eskainiko duen saioan. Deustuko Unibertsitatean Filosofia eta Letretan lizentziatua, 1979az geroztik irakasle dihardu. Gaztetan ekin zion poesia idazteari eta, besteak beste, aldizkari ezberdinetan kolaboratu izan du. Horrekin batera, Herri Irratiko 'El club de los sentidos' saioaren barruan poesiari eskainitako tartea aurkeztu zuen 2009-2010 denboraldian. Oscar Alberdirekin batera, 2010. urteko ekainean Bilboko Poesia Gauak ekimena sortu zuen.
