Kirol Sarien Gala osoaren bideoa ikusgai

2024ko abenduaren 31n banatu ziren Coliseo antzokian 29. Eibarko Kirol Sariak. ...eta kitto! astekariak antolatzen du urtero ekitaldia, eta Eibarren egiten diren kirol-modalitate guztietan izendatutakoek sari bana jasotzen dute. Horrez gain, sari bereziak egoten dira: Atletismoko Egidazu-De Diego Lantaldeak sari berezia jaso zuen; euskara saria Klub Deportiboko Mari Fran Aranari eman zioten; sustapen saria, berriz, Alkideba enpresari; eta errekonozimendu berezia egin zitzaion 2024an 100 urte bete dituen Eibarko Klub Deportiboari. 30 sari banatu ziren guztira. Gainera, ODE musika talde sortu berriak bere aurkezpena egin zuen, eta zuzeneko musikarekin girotu zuten urte amaierako kirol-jaia.