Korrika badator!
Martxoak 19an, eguenean abiatu zen 19. Korrika Urepeletik, arratsaldeko 17.00etan eta amaiera, berriz, hilaren 29an (domekan) Bilbon izango da, goizeko 07.30ak baino pixka bat lehenago. Bien bitartean Korrikaren lekukoa herririk herri, eskurik esku joango da urte birik behin egiten den lasterketa, ibilbidea osatzen duten 2.166 kilometroak bete arte. Eibarrera astelehenean, martxoaren 23an, 17.00ak inguruan ailegatuko da, Ermutik sartuta eta herri barruko ibilbidea bete eta jarraian, Soraluzerako bidean agurtuko dugu. Ermuko ordezkariaren eskutik hartuko du Eibarrek Korrikaren lekukoa, Unibertsitate Laboralaren parean eta, hortik aurrera, Korrikak ibilbide honi jarraituko dio gurean: Otaola Hiribidean aurrera joango dira korrikalariak, handik Ipuruako Eroskirako errepidean gora jarraitzeko; kiroldegi eta foball zelaiaren paretik pasatuta, AEK euskaltegia dagoen Sostoatarreneko errebueltatik behera, Untzagaraino ailegatuko dira; Calbeton zeharkatuta, Bidebarrietatik aurrera joango dira, Tas-Tas pareko errebuelta hartu eta Julian Etxeberriatik jarraitzeko; hortik lasterketak Toribio Etxebarria zeharkatuko du, Klub Deportibo paretik igarota eta, segidan, Untzagara sartuko da, udaletxearen atzeko aldetik; Txoko tabernaren parean berriz ere beherako bidea hartuko dute korrikalariek, baina bigarren bueltan Bidebarrietan behera jarraituko dute, San Andres ikastetxe paretik Urkizuraino jaitsi eta handik Barrena kaleraino joateko; ibilbidearen azken zatia herriko kaleetatik kanpora, Azitainen, autopistako errotondatik aurrera beteko dute, Industrias Mail paretik pasatuta Maltzagaraino.
Korrika Txikia 15.00etan
Bestalde, Korrika Txikiaren hasiera Isasiko La Salle ikastetxe parean izango da, 15.00etan. Eta bien bitartean, 16.00etatik aurrera musikarekin girotuko dituzte herriko kaleak, Korrikari ongi-etorria egiteko.
Kilometro aldaketak Eibarren
1050 peto zenbakia
Uni Eibar-Ermua BHI
Armeria Eskola
Hankamotxak Bertso Eskola
Ignazio Zuloaga Institutua
Amañako Jai Batzordea
1051 peto zenbakia
Mogel-Isasi BHI Itzio ikastetxea
Astixa
Iosu, Pana eta Arrateren Lagunak
AEK
ASPE (pelotariak)
Eibar Kirol Elkartea
1052 peto zenbakia
Eibar Rugbi Taldea
Ernai
LAB
Eibarko Dendarien Elkartea
Sostoa abesbatza
Arrate Kultur Elkartea
Klub Deportiboa
Ez Dok taberna
Legarreko jai batzordea
Sare
Etxerat
1053 peto zenbakia
EHE EH Bildu
EAJ/PNV
EGI
J.A.Mogel Guraso Elkartea
J.A. Mogel ikastola
1054 peto zenbakia
...eta kitto! Euskara Elkartea
Urkizu Guraso Elkartea
Laboral Kutxa
Udaleko Euskara Batzordea
Udaleko beharginak
1055 peto zenbakia
Ustekabe Fanfarrea
1056 peto zenbakia
Tekniker
1057 peto zenbakia SORALUZE