Langabezia-tasa pixka bat jaitsi da irailean Eibarren

Iraileko datuen arabera, 1.507 lagun daude langabezian Eibarren eta langabezia-tasa % 12,03koa da. Horrela, langabeziak behera egin du herrian (abuztuko datuen arabera 1.513 lagun zeuden langabezian eta langabezia-tasa % 12,07koa zen).

Eskualdeko herri guztietako datuei begira, abuztuko langabezia-tasa % 10,21ekoa da. Debak jarraitzen du langabezia-tasarik baxuena izaten (% 5,53) eta Soraluze da tasa altuena duena Eibarren gainetik (% 12,64). Hain zuzen ere, Eibar eta Soraluze izan ezik, gainontzeko herri guztietan langabezia-tasa % 10etik beherakoa da.

Iraileko datuak, herriz herri

• Eibar 1.507 (% 12,03)
• Elgoibar 502 (% 9,41)
• Mendaro 82 (% 8,3)
• Deba 146 (% 5,53)
• Mutriku 183 (% 6,97)
• Soraluze 221 (% 12,64)
• Debabarrena 2.641 (% 10,21)