Lehen itzuliko azken partidua prestatzen hasi da F Ligako SD Eibar taldea
Real Madrilen aurka jokatuko du, domeka eguerdian, Alfredo Di Stefano zelaian
2025/01/14
10:49
eta kitto!
SD Eibarko emakumezkoen lehen taldeak Valdebebasera bidaiatuko du asteburu honetan, bertan Real Madriden aurka jokatuz lehen itzulia ixteko. Aurreko zapatuan Sevilla FCren aurka Ipuruan galdu eta gero, emakumezkoen lehen taldeak gaur hasiko da lehen itzuliko azken partidua prestatzen.
Yerai Martinen taldeak Real Madriden aurka jokatuko du domekan, Alfredo Di Stefano zelaian, eguerdiko 12:00etan eta, atzoko atsedenaren ondoren, gaur entrenamendu saioekin hasiko da Anexoan, 10:45etik aurrera.
Partiduaren aurreko beste hiru lan-saioak bihar, etzi eta zapatuan egingo ditu: lehenengo biak Unben, 11:45etik aurrera, eta barixakuan atseden hartu eta gero, zapatuko azken lan-saioa Anexoan burutuko dute, goizeko 09:30etik aurrera.
