Leire Dallas, Noan, Udaz eta Ayvee izango ditugu bihar Eibarren, Gipuzkoan Gazte Tour ekimenaren eskutik

Gipuzkoan Gazte Tour 2024 ekimenaren udazkeneko programazioaren barruan, Gipuzkoako gazte eta nerabeentzat kultur-erreferente bihurtu den Gipuzkoan Gazte Tour 2024 ospatuko da bihar Eibarren. Goizean dantza masterclassa emango du Leire Dallasek, eta kontzertuak arratsaldean izango dira, Coliseo antzokian. Gipuzkoako Foru Aldundiko Kultura eta Gazteria Sailak antolatutako ekimena da, eta orain egun batzuk egin zuten aurkezpena Isaac Palencia Aldundiko Gazteriako zuzendariak, Jon Iraola Eibarko alkateak  eta Andoni Zabala Kultura eta Gazteriako zinegotziak.