Maiatzean behera egin du langabezia-tasak Eibarren

Maiatzeko datuen arabera, 1.500 lagun daude langabezian Eibarren eta langabezia-tasa % 11,97koa da. Horrela, langabeziak behera egin du herrian (apirileko datuen arabera 1.550 lagun zeuden langabezian eta langabezia-tasa % 12,37koa zen).

Eskualdeko herri guztietako datuei begira, maiatzeko langabezia-tasa % 9,78koa da. Debak jarraitzen du langabezia-tasarik baxuena izaten (% 4,89) eta Eibar da tasa altuena duena Soraluzeren gainetik (% 11,61). Hain zuzen ere, Eibar eta Soraluze izan ezik, gainontzeko herri guztietan langabezia-tasa % 10etik beherakoa da.

Maiatzeko datuak, herriz herri

• Eibar 1.500 (% 11,97)
• Elgoibar 439 (% 8,23)
• Mendaro 80 (% 8,1)
• Deba 129 (% 4,89)
• Mutriku 180 (% 6,85)
• Soraluze 203 (% 11,61)

Debabarrena 2.531 ( %9,78)