Maria Bestar zuzendaria Coliseoan izango da ‘No estás loca’ dokumentala aurkezten

Azaroaren 25aren harira, Amakin Eibar elkarteak “No estás loca” dokumentala eskainiko du gaur, azaroak 24, Coliseo antzokian. Saioa 19:30ean hasiko da, eta emanaldian dokumentalaren egilea, Maria Bestar, bertan izango da ikusleekin solasean aritzeko.

Dokumentalak indarkeria bikarioa du ardatz, eta ikuspegi pertsonaletik eta testigantzen bidez indarkeria mota hori ikustaraztea du helburu. Horretarako, lanak bi emakumeren esperientziak biltzen ditu, besteak beste: Irune Costumero eta Marga Colondron. Biak Coliseoan izango dira gaur Bestarrekin batera.

Emanaldia amaitutakoan, publikoarekin hartu-emana izango da, indarkeria bikarioaren errealitatea eta ondorioak sakonago lantzeko.

Duela astebete dokumentalaren inguruko elkarrizketa egin genion Maria Besta zuzendariari. Elkarrizketaren esteka, hemen.