Nagusien oinarrizko eskubideak bete daitezela eskatu dute manifestazioan
Debabarreneko Pentsiodunen Mugimenduak deituta, gaur eguerdian manifestazioa egin da Eibarren, Untzagatik abiatuta.
2024/09/30
15:08
eta kitto!
Bihar Adinekoen Nazioarteko Eguna dela eta, Euskal Herriko Pentsiodunen Mugimenduak gaur mobilizatzea erabaki du, eta deialdiarekin bat eginez, Eibarren 200 bat lagun elkartu dira, Untzagatik eguerdian irten den manifestazioan. Kaleetan zehar aldarrikapenak oihukatzen ibili ondoren, Untzagara itzuli dira, eta kolektibo honen premia eta aldarrikapen nagusiak ekarri dituzte gogora ekitaldiaren amaieran.
