Onkoreplica eta Semi Zabala, 2025eko Toribio Echevarria sarien irabazle nagusiak

Onkoreplica eta Semi Zabala enpresek eskuratu dituzte 2025eko Toribio Echevarria sarien sari nagusiak, azaroaren 13 goizean Eibarren egindako ekitaldian. EAEko ekintzailetza, enpresa, zientzia, hezkuntza eta erakunde arloetako ordezkariak bildu dituen ekitaldian banatu dira 35. edizioko aitorpenak.

Onkoreplica gailendu da Startupak eta Enpresa Proiektuak kategorian, botika onkologikoak testatzeko 3D in vitro ereduak garatzen dituen proposamen berritzaileagatik. Semi Zabala izan da irabazlea Enpresa Berritzailea kategorian, sektore espazialerako GaN gailuak fabrikatzeko backend zerbitzuen lerro pilotuari esker.

Irabazle nagusiez gain, beste hiru enpresek ere jaso dute aitortza:

• Replay by Wellk: Eibarko Enpresa – Made in Eibar saria.
  
  

• Acha Herramientas: Udalak emandako “Iñaki Goenaga” aitortza, 85 urteko ibilbide sendoagatik.
  
  

• Reiner Group: aipamen berezia, 2025ean mendeurrena betetzeagatik.
  
  

Laguntzak eta sariak

Bi sari nagusiek 12.000 euroko ordainsaria dute, eta baita mentoring, aholkularitza, finantzaketa eta prestakuntza programetan parte hartzeko aukera ere.

Horrez gain, Udalak ematen duen Made in Eibar sariak 10.000 eurora arteko bonu teknologikoa barne hartzen du, Tekniker edo BRTA sareko beste zentro batzuekin lankidetzan proiektuak garatzeko.