Padel pista erabiltzeko urteko zozketa abenduaren 16an egingo dute

Eibarko Udaleko Kirol Zerbitzutik jakinarazi dutenez, kiroldegiko abonuan aldaketak egin edo baja eman nahi izanez gero (abonu mota ezberdinetan), horretarako azken eguna abenduaren 20a izango da. Gaineratu dutenez, “erantzunik jaso ezean, gaur egun duzuen abonuarekin jarraitzeko asmoa duzuela ulertuko dugu. Espero dugu gure instalakuntza eta jarduerekin gozatzen jarraitzea. Kirol Zerbitzutik saiatuko gara eibartarron eskaera eta nahiei ahal bezain ondo erantzuten”.
Horrez gain, padel pista erabiltzeko urteko zozketa abenduaren 16an egingo dela eman dute jakitera. Zozketa 19:00etan izango da, Unbe kirolguneko prentsa aretoan, eta soilik padel pistaren erabilera zozketatuko da.