Paula Calvo hirugarren izan da Espainiako Igeriketa Txapelketa Absolutuko B finalean
Eibar Igerixan taldeko igerilariak 200 metro bizkar proban lortu du emaitzarik onena Madrilen jokatutako txapelketan.
2026/11/17
16:08
Oihane Zabala
Azaroaren 12tik 15era bitartean, Espainiako Igeriketa Txapelketa Absolutua jokatu da Madrilen, eta Eibar Igerixan taldeko Paula Calvok parte hartu du bertan. Hiru probatan lehiatu da igerilari elgoibartarra: 200 metro bizkarrean, 50 metro bizkarrean eta 200 metro librean.
Calvoren emaitzarik aipagarriena 200 metro bizkar proban iritsi da, B finalean hirugarren postua eskuratu baitu. Horrela, Espainiako maila goreneko igerilariekin lehiatzeko aukera izan du, eta esperientzia baliotsua pilatu du denboraldiko hitzordu garrantzitsuenetako batean.

