Puntako bertsolariek jardungo dute Arrate bezperako jaialdian

Maialen Lujanbio, Iker Zubeldia, Andoni Egaña eta Nerea Ibarzabal bertsolariek osatuko dute aurtengo Arrateko Bertso Afariko kartela. Jon Mikel Mujika gai-jartzailearen esanetara arituko dira irailaren 7rako ...eta kitto! Euskara Elkarteak Tiro Pitxonen antolatu duen saioan. Euskara elkarteko bazkideentzat sarrerak salgai daude, 38 eurotan, eta elkartearen egoitzan bertan erosi ahal izango dira (Urkizu 11, solairuartea) uztailaren 22ra arte. 24tik aurrera, berriz, ohiko lekuetan 40 eurotan: Kultun, Guridin eta Tiro Pitxonen.