Sanjuanetako Marmitako Lehiaketan izena emateko epea zabalik dago

XXII. Marmitako Txapelketan izena emateko epea ekainaren 17ra arte dago zabalik. Izenemateak PEGORAn (Hiritarren Zerbitzurako Bulegoan) egin beharko dira. Lehiketa ekainaren 25ean izango da, 11:30ean, Untzaga plazan. Eibarren dauden elkarteek, beste herrialde batzuetako etxeek edota lagun-taldeek har dezakete parte.

Taldeek ordu erdi lehenago han egon beharko dute zein tokitan jarri behar diren jakiteko. Lehiaketa 13:00etan amaituko da. Marmitakoa prestatzeko behar diren osagai eta tresna guztiak, lapikoa barne, par­tehartzaileek eraman beharko dituzte.

Gutxienez sei lagunendako beste prestatu beharko dute; beraz, hona hemen erabili beharreko osagaiak:

• 2 kilo patata


• kilo eta erdi hegaluze


• tomate naturala, piper txorizeroak, piper  berdeak, tipula, berakatza, oliba olioa, gatza, eta nahi izanez gero, ardo zuri lehorra.

Talde bakoitza bi lagunek osatu­ko dute; baina sukaldari zaletuak izan behar dute, eta ez profesionalak edo hortaz bizi dire­nak. Bikoteko kide batek Eibarren erroldatuta egon behar du. Gehien jota 30 bikote.

Epai-mahaikideak eskualdeko sukaldari profesionalak izango dira eta sari hauek banatuko dira:

- Garaikurra, txapelak eta 90 € .

- Garaikurra eta 60 €.

- Garaikurra eta 30 €.