SD Eibar-ek Erreginaren Kopako partidua du gaur Logroñon

Bi partidutako astea izango da oraingokoa SD Eibarko emakumezkoen lehen taldearentzat. Gaur Erreginaren Kopako hirugarren kanporaketako neurketa izango dute DUX Logroñoren aurka, eta domekan UDCA Teneriferen kontra jokatuko dute F Ligako 9. jardunaldiko partidua Ipuruan. Yerai Martinen taldeak exigentzia handiko astea du aurretik, bi partidu eta lau entrenamendurekin. DUX Logroñoren aurkako gaurko partidua 19:30ean hasiko da Las Gaunasen, eta espero dezagun gizonezkoek bertan izan zuten emaitza baino hobeagoa lortzea eta aurrera egitea.

Bihar, handik bueltan, lan-saioa izango dute 11:00etan Anexoan, etzi atseden hartuko dute, eta etzidamu eta zapatuan beste bi entrenamenduei egin beharko diete aurre: Barixakuan 11:45ean Unben eta zapatuan 12:30ean Anexoan. Granadilla edo UDCA Teneriferen aurkako domekako partidua eguerdiko 12:00etan hasiko da Ipuruan.