SD Eibarko lehen taldea gaur hasiko da Ligako lehen partidua prestatzen
Zapatuan hasiko du F Liga Betisen aurka, 18:00etan, Ipuruan
2024/09/03
11:03
eta kitto!
Yeray Martinen aginduetara hirugarren denboraldia egingo duen taldea, 1. Mailan jokatzen duen bigarren honetan, zapatuan hasiko du Liga. Partidua, gainera, etxean izango du: arratsaldeko 18:00etatik aurrera, Ipurua zelaian. Partidu hori prestatzen joateko, gaur izango dute jokalariek lehenengo saioa, Anexoan 11:15etik aurrera.
Alde batetik bestera ibiliko dira oraingoan entrenamendu saio horiek egiten: horrela, bihar Atxabalpen jardungo dute, etzi Unben, eta etzidamu Anexora bueltatuko dira. Atxabalpeko eguazteneko entrenamendua 10:00etan hasiko da, Unbeko eguenekoa 11:45ean eta, azkenik, Anexoko saioa (gaurkoa bezala) 11:15ean.
