Tabernako bertso saioa gaur Kultun, Korrika Kulturalarekin
2013/03/14
00:00
eta kitto!
Arrate Kultur Elkarteak Korrika 18ko Korrika Kulturalaren egitarauaren barruan antolatuta, gaur (eguena, hilak 14) Miren Amuriza eta Beñat Ugartetxea bertsolariek tabernako saioa eskainiko dute Kultun, 20.00etatik aurrera. Saioa gidatzen eta bertsolariei gaiak ematen Hankamotxak bertso eskolakoek jardungo dute. Horrekin batera, Jose Luis Irigoien argazkilariak aurreko urteetako saioetan egindako argazkiekin erakusketa ipini dute ikusgai tabernan bertan.
