Uni-ko ikasleek sortutako Eibar Logistics garraio eta logistikako enpresa simulatuak saria jaso du

CIFP Uni Eibar-Ermua LHII-ko Nazioarteko Merkataritzako eta Garraio eta Logisitikako Lanbide Heziketako ikasleak BEC-en egon dira, aste honetan egin den enpresa simulatuen XIV. azokan parte hartzen. Ikastetxetik adierazi digutenez, “43 enpresa simulatu batu gara, eta bakoitzak bere produktu edo zerbitzuaren aurkezpen azkar bat egin du. Ondoren, ikastetxeen arteko salmentak eta erosketak burutu ditugu. Oso aberasgarria izan da ekintza hau, ikasturtean zehar ikasitakoa praktikan jartzeko aukera aparta izan delako”. Ekitaldiaren amaieran ikastetxe bakoitzari diploma bana eman zioten eta, eibartarren kasuan, ezusteko oso atsegina izan zuten, gainera: Eibar Logistics garraio eta logistikako enpresa simulatuak spot onenaren saria jaso zuen. Beraz, pozarren itzuli ziren ikasle eta irakasleak.