Unzaga Plaza hotela urriaren 31n itxiko dute

Debabarreneko hotel zaharrena den Unzaga Plaza hotelak ateak itxiko ditu behin betiko 2025eko urriaren 31n. Itxieraren arrazoia, diotenez, higiezinen jabeak eta hotela kudeatzen zuen enpresak 202ko azaroan sinatutako alokairu-kontratua ez berritzeko erabakia izan da. Egoera behin-behinekoa izango dela uste da, izan ere, bai Udalak bai jabetzak berretsi dute eraikinak hotel gisa jarraituko duela.

Jabeek –sei anai-arrebak, Madrilen bizi direnak– ez dute kontratua luzatu nahi izan, eta bi erosle potentzialekin ari dira negoziatzen. Hala ere, hotelaren kudeaketa bi eibartarren esku egon da azken urteetan, Unai Otxandiano eta Leire Uribetxeberria senar-emazteek zuzendu dute eta.

Itxierak 28 lanpostu desagerraraziko ditu eta 88 logela gutxiago ekarriko ditu eskualdeko eskaintzan. Horrek turismoan eta merkataritzan eragin zuzena izango du, hotelak IMSERSO programan parte hartzen baitzuen eta urte osoan estatuko zein atzerriko bisitariak hartzen baitzituen.

Unai Ochandiano eta Leire Uribeetxeberriak, azken urteetan kudeaketaren arduradunak, azpimarratu dute ez dutela beste aukerarik izan: enpresak hartzekodunen konkurtsoa eta EREa aurkeztu beharko ditu. Hala ere, azpimarratu dute langileak eta hornitzaileak ordainduta utziko dituztela.

Bestalde, itxieraren berri eman eta egun gutxira jakin da Unai Ochandiano eta Leire Uribeetxeberria Azitainen dagoen Eibar Hotela zabaltzeko proiektu berriaren atzean daudela.