Ustekabek Sevillan joko du asteburuan, Zumaiako danborradarekin batera

Ustekabe fanfarrea Sevillara joango da asteburuan, han jokatuko den Euskadi Basque Country traineruen banderaren harira antolatu duten danborradan jotzera. Zumaiako Telmo Deun arraun-taldea domekan Guadalquivirreko uretan jokatuko den Euskadi Basque Country txapelketan lehiatuko da eta, euren trainerua animatzeko, San Telmo danborrada Andaluziaraino eramatea pentsatu dute zumaiarrek, Ustekabe fanfarrearekin batera joko dituzten danbor hotsez arraunlariei animoak emateko. Ekitaldian kamiseta gorria jantziko dute eibartarrek eta, San Telmo danborradako kideekin batera, honako abestiak joko dituzte: “Gora Zumaia!” (Txomin Mujika), “Telmo Deun berria” (Mikel Emezabal), “Kalez Kale” (Iker Gonzalez), "Sasikoipatsu" (J.M. de Udakiola) eta “Debako martxa” (Pablo Sorozabal).