Uxue Alberdi izan da Harixa Emoten tertulietako urteko lehenengo gonbidatua

Urteko lehenengo saioa izan zuen atzo "Idazlearekin Harixa Emoten" euskarazko irakurle-taldeak. Uxue Alberdiren "Hetero" liburua irakurri dute eta idazle elgoibartarrarekin batera mamia atera zioten zortzi ipuinez osatutako liburuari. ...eta kitto! Euskara Elkarteak eta Juan San Martin liburutegiak elkarlanean antolatzen dituzte saiook. Hurrengoa otsailaren 10ean izango da, eta, ordurako, Miren Amurizaren "Pleibak" liburua irakurri beharko dute irakurle-taldeko kideek.