Wellk enpresak irabazi du 'Gure balioak' saria 'Gazte ekimena' atalean
Jarduera fisikoa sustatzeko teknologia aktiboa sortzeaz arduratzen dira
2024/11/27
18:30
eta kitto!
Debegesak 'Gure balioak' sariak banatu zituen atzo eta 'Gazte ekimena' atalean jarduera fisikoa sustatzeko teknologia aktiboa sortzeaz arduratzen den Wellk enpresa saritu zuten. Horrela, Wellk osatzen duten gazte ekintzaileek 2.000€-ko saria jaso dute, hau ere Laboral Kutxak babestua.
Eibarren bertan kokatuta dagoen enpresa hau jarduera fisikoa sustatzeko teknologia aktiboa sortzeaz arduratzen da. Aritz Guinea zuzendari eta sortzaileak horrelako sariak jasotzea “beti pozgarria” dela azaldu zuen, eta “oso albiste ona dela, saria jasotzeaz gain, proiektuari ikusgarritasuna ematen diotelako”.
