Korrika Kulturalak Erdaldun Berrien Kluba ekarriko du
2019/03/26
eta kitto!
Aurtengo Korrika Kulturalaren barruan, ...eta kitto! Euskara Elkarteak Erdaldun Berrien Kluba izeneko ikuskizuna ekarriko du Eibarrera. Datorren apirilaren 3an, asteazkena, izango da Portalean, arratsaldeko 19:00etatik aurrera.
Olatz Pagalday eskoriatzarra du protagonista bakarrizketa honek. Irantzu izango da bera; euskaraz pentsatzen, sentitzen eta, ahal duen guztietan, euskaraz diharduen neska. Horrek hamaika arazo sortuko dizkio egunerokotasunean eta bizipen horien kontaketak osatzen du antzezlanaren hari nagusia.
Pagalday berak esan duen moduan, "euskaraz bizi garenok erdaldun berriak gara, gazteleraz hitz egiterakoan esan beharrekoak pentsatu eta askotan hitzak faltan baititugu. Horregatik, euskaldunontzat, antzezlana, terapeutikoa izango delakoan nago".
Sarrera librea eta doakoa izango da.
Olatz Pagalday eskoriatzarra du protagonista bakarrizketa honek. Irantzu izango da bera; euskaraz pentsatzen, sentitzen eta, ahal duen guztietan, euskaraz diharduen neska. Horrek hamaika arazo sortuko dizkio egunerokotasunean eta bizipen horien kontaketak osatzen du antzezlanaren hari nagusia.
Pagalday berak esan duen moduan, "euskaraz bizi garenok erdaldun berriak gara, gazteleraz hitz egiterakoan esan beharrekoak pentsatu eta askotan hitzak faltan baititugu. Horregatik, euskaldunontzat, antzezlana, terapeutikoa izango delakoan nago".
Sarrera librea eta doakoa izango da.
