Barixakutik aurrera ospatuko dituzte jaiak Legarren

0    Berriak, Jaiak 
ETA KITTO ETA KITTO
Barixakutik aurrera ospatuko dituzte jaiak Legarren
ETA KITTO 2019, Ira 18

Legarreko Jai Batzordeak dena prest dauka asteburuan auzoko jaiak ospatzeko. Barixakuan ekingo diote egitarauari, 19:00etan Tartetik hasiko den kalejirarekin. Ordu erdi geroago, 19:30ean, familia eta umeendako pentsatuta dagoen “Legarre Raid” jolasa hasiko da. Arrakasta haundia izaten duen patata tortilla txapelketa 20:00etan izango da eta 21:00etan, berriz, umeendako makarronada antolatu dute. Afaria zein afalostea girotzeko, bestalde, Kaxa elkartearen eskutik gazteendako mugimendu eta sormena egongo da eta, jaietako lehen eguna agurtzeko, 23:00etatik aurrera kontzertua emango dute “Black Sapatu” (Black Sabbath) taldekoek.

Eta hurrengo egunerako (zapaturako) antolatu dituzten jarduerak eguerdian hasiko dira: kalejira, txosnan hasita (12:00); pintxo-potea Tarten (12:30); Legarreko IV. Kronoeskilararen hasiera (13:00); pintxo-potea txosnan (13:30); graffiti erakustaldia (13:30); krono eskilararen sari banaketa (14:25); bazkaria (14:30); umeendako ikuskizuna Antxo eta Pantxarekin (16:00); musika saioa, DJ Arnorekin (17:00); txokolatada (18:00); erromeria, MP5 taldearekin (20:00); eta, amaitzeko, Puro Chile eta A Tuti Plain taldeen kontzertua, 22:30etik aurrera.

Gaiarekin zerikusia duten albisteak

« »