[Bideoa] Tor magoak bidalitako hainbat trikimailu ikusgai dituzue hemen

Tor magoa oso ezaguna dugu Eibarren, eta, zer esanik ez, ...eta kitto! Euskara Elkartean. Izan ere, azkeneko urteetan, sarri etorri zaigu bere trikimailuak erakustera: Ipurterre ipuin lehiaketako sari-banaketa ekitaldira, Gurasoak Berbetan egitasmoaren ikasturte amaierako jaialdira..., eta beti uzten gaitu aho zabalik!

Egunotan berriz ere izan dugu gure artean, baina, jakina, alarma-egoerak hala behartuta, online etorri zaigu. Gurasoak Berbetan egitasmoko familiei eskaini die magia-saio zoragarria, eurentzat propio egindako ikuskizuna izan da, baina joan den ostiralaz geroztik edonork ikus dezake.

Sartu eta gozatu Tor magoaren trikimailuekin!

https://youtu.be/AA3xLM3Mzmo