Eibarrek du Debabarreneko langabezia-tasarik altuena

Abuztuko datuen arabera, 1.567 lagun daude langabezian Eibarren eta langabezia-tasa %12,34koa da. Horrela, azken hilabetean behera egin ondoren, langabeziak gora egin du herrian (uztaileko datuen arabera 1.501 lagun zeuden langabezian eta langabezia-tasa %11,82koa zen).

Eskualdeko herri guztiak hartuta, langabezia-tasa %10,33koa da. Debabarrenari begiratuta, Debak jarraitzen du langabezia-tasarik baxuena izaten (%6,36) eta Eibar da tasa altuena duena. Hain zuzen, Eibar eta Soraluze izan ezik, gainerako herri guztietako langabezia-tasa %10etik beherakoa da.

 

Ekaineko datuak, herriz herri:

– Eibar 1.567 (%12,34)
– Elgoibar 477 (%8,80)
– Mendaro 77 (%7,58)
– Deba 166 (%6,36)
– Mutriku 197 (%7,59)
– Soraluze 223 (%11,95)
Debabarrena 2.707 (%10,33)