Zaintza sektoreko beharginek deituta elkarretaratzea egingo da gaur, 18:30ean Untzagan

0    Ekonomia 
ETA KITTO ETA KITTO
Zaintza sektoreko beharginek deituta elkarretaratzea egingo da gaur, 18:30ean Untzagan
ETA KITTO 2021, Mar 04

Zaintza esparruko hirugarren greba eguna izango da gaurkoa, azaroaren 17an eta urtarrilaren 26an egin zirenen ostean. Hori dela eta, gaurko mobilizazioak antolatu dituzte EAE-ko hiriburu eta herri askotan, ELA, LAB, UGT, CCOO, ESK eta CNT sindikatuek egindako deiari erantzunez. Eibarren 18:30ean elkarretaratzea dago deituta, Untzagan eta LAB sindikatutik bat egiten dute zaintza sektoreko langileek elkarretaratzeko egin duten deialdi herritarrarekin: “Gure militantziari ekimenean parte hartzeko deia luzatzen diogu. Zaintza-sistema unibertsal, publiko eta kalitatezkoaren alde!”. Gaurko grebaren harira, astelehenean kotxe-karabanan ibili ziren eta, horrekin batera, herrian zehar grebarako deialdia zabaltzeko pankartak ipini zituzten.

Gaiarekin zerikusia duten albisteak

« »