Alfaren sorreraren mendeurrena (1920-2020) gogoratzeko argazki handi bat jarriko da Legarre 19ko horman

0    Gizartea 
ETA KITTO ETA KITTO
Alfaren sorreraren mendeurrena (1920-2020) gogoratzeko argazki handi bat jarriko da Legarre 19ko horman
ETA KITTO 2020, Urt 07

Alfa fabrika zaharraren sorreraren mendeurrena (1920ko urriaren 28a) gogoratzeko irudi bat jarriko da Legarre 19an urtarrilean. Izan ere, eraikin horren azpiko aldean zegoen Alfa, zehazki, trenbidearen beste aldean. Argazki honetan, ordea, dagoeneko desagertuta dauden baserri asko ere ikusi ahal izango ditugu, hala nola, Kaskarrengoa; baita Isasiko elizaren hondarrak edota Markeskoako eranskin desagertuak ere.

Ego Ibarra Batzordearen urteko lan-plangintza betez, pasa den ekitaldian Arratebide, San Kristobal, Txonta eta Legarre kaleak izan dira irudiak hartu dituztenak, eta Untzagako dorrean jarri da jubilatuen etxean ipini eta erretiratu zena. “Arratebide kalean jarritakoak (beharginak Arrateko kaminoa egiten) gogora dakargu Lehen Mundu Gerran Eibarrek bizi izan zuen krisi gogorra eta lan eskasia. San Kristobal kaleko hormak antzinako korrikalariak hartu ditu; eta Txonta kalekoak, Norma tailerreko “fileteatzaileak”, bizikleten koadroak eta urkilak margotzen zituzten emakumeak. Azkenik, Untzagako dorrean jarri da lehen Jubilatuen Etxe aurrean jarri eta handik erretiratu egin behar izan zen argazkia“.

Aurreko ekitaldietan, Ipuruako futbol zelaiaren sarreran, Karmengo elizaren ondoan, Ermuko sarreran edo Olarreagan, Azitaingo gasolindegiaren ondoan eta Toribio Etxebarria kalean jarri izan dira argazkiak.

Orain arte, guztira, 10 izan dira historia harilkaltzeko xedez ipinitako argazkiak Eibarko Udaleko Ego Ibarra batzordeak martxan jarritako “Argazkiak Mintzo” egitasmoaren barruan.

 

Gaiarekin zerikusia duten albisteak

« »