Asteburuan 26 positibo atzeman dituzte eskualdean, horietako 18 Ermuan

0    Gizartea 
ETA KITTO ETA KITTO
Asteburuan 26 positibo atzeman dituzte eskualdean, horietako 18 Ermuan
ETA KITTO 2021, Mar 15

Asteburuan, ostiraletik igandera arte, 26 koronabirus kasu positibo gehiago atzeman dituzte Debabarrena bailaran, gehienak Ermuan (8 ostiralean, 3 larunbatean eta 7 igandean). Gauzak horrela, 649,23ko intzidentzia-tasa dauka Ermuak.

Eibarren 3 kasu berri atzeman dituzte azken egunotan eta berriro ere eremu horian sartu da 272,99ko intzidentzia-tasarekin; Mallabian ere 3 zenbatu dira, eta kasu bana Elgoibarren eta Mutrikun. Guztia, beraz, 26 positibo berri eskualde mailan.

Atzo, 5.348 test diagnostiko egin ziren EAEn, eta, haietatik, 246 positiboak izan ziren.

Lurraldeen arabera: 41 Araban, 136 Bizkaian, 66 Gipuzkoan eta 3 Euskaditik kanpo bizi diren pertsonetan.

Ospitaleen egoera dela eta, COVIDaren ondorioz 14 pertsona ospitaleratu zituzten atzo, eta COVIDa duten 97 pertsona ZIUn daude.

 

Gaiarekin zerikusia duten albisteak

« »