Bihar, goizeko 11:00etan, euskarazko irrati guztietan Ken Zazpiren “Hel nazazu eskutik” entzungo da

0    Gizartea 
CDwes76
Bihar, goizeko 11:00etan, euskarazko irrati guztietan Ken Zazpiren “Hel nazazu eskutik” entzungo da
ETA KITTO 2020, Mar 26

Goizeko 11etan, euskaraz ari diren irratietan abesti berbera entzun ahal izango da une berean. Ken Zazpi taldearen kantu bat aukeratu dute, “Hel nazazu eskutik” izenekoa.

Egunaren 24 orduak nola bete ezin asmatu gauden honetan, bakardadeari aurre egiteko, irratia aukeratu dute askok. Horregatik, konpainia egitearena irratiaren berezko ezaugarria dela aldarrikatzeko bat egin dute Euskal Herriko hainbat irratik.

Irratien dabiltzanek adierazi dutenez, “Ikerketek diote komunikabideen artean, sinesgarritasun handienetakoa irratia bera dela. Baina irratiak informaziotik bezainbeste du entretenimendutik. Irratia sortu zenetik izan du helburutzat konpainia egitearena. Eta hori, urtean zehar bistakoa bada ere, nabarmenago geratu da eguna etxean sartuta eman behar dugun egoera honetan”.

Irratiaren izaera hori aldarrikatzeko, eta isolamenduari aurre egiteko bide bakarra elkartasunarena dela gogorarazteko, 16 irratik bat egingo dute ostiral honetan, martxoaren 27an. Euskadi Irratia, Gaztea, Bizkaia Irratia, Bilbo Hiria Irratia, Euskalerria Irratia, Gure Irratia, Irulegiko Irratia, Antxeta Irratia, Xiberoko Botza, Amikuze Irratia, Antxeta 2 Irratia,  Beleixe Irratia, Esan Erran Irratia, Karrape Irratia, Aralar Irratia eta Arrasate Irratiak bat egingo dute une batez. 11:00etan, irrati hauetan guztietan abesti berbera entzun ahal izango da une berean. Ken Zazpi taldearen kantu bat aukeratu dute, “Hel nazazu eskutik”  izenekoa.

irazabal

Gaiarekin zerikusia duten albisteak

« »