ETA KITTO
Ingurumenaren Munduko Eguna ospatuko da, domekan, ekainaren 5ean, eta, horren harira, Usartza-Kalamua inguruan Eibarko ondare naturala ezagutzeko ibilbide gidatua antolatu dute Udaleko Ingurumen Sailak eta Eibarko Baso Biziak elkarteak.
Ibilbidea zailtasun txikiko bide zirkularra izango da (4,5 km-ko distantzia eta 110 m-ko desnibela). Usartzan izango du hasiera, 10:00etan, eta hiru orduko iraupena izango du. Ibilbidea oinez egingo da Usartza eta Kalamua inguruan, eta animalia- eta landare-espezien eta herriko natura-ondareari buruzko beste gai batzuen inguruko informazioa jasoko dute parte-hartzaileek.
Ekimenean parte hartzeko plazak mugatuak dira eta ezinbestekoa da aldez aurretik izena ematea. Eguenera arte eman ahal izango da izena, 943 83 36 41 telefonora deituz (9:00etatik 18:00etara) edo arazi@arazi.eus helbidera idatziz.