Gipuzkoa, Bizkaia, Araba eta Nafarroa bigarren fasera igaroko dira astelehenean

Gipuzkoa, Bizkaia, Araba eta Nafarroa bigarren fasera igaroko dira astelehenean
2020/05/22 eta kitto!
Konfirmatuta. Hego Euskal Herri osoa bigarren fasera pasatuko da datorren astelehenean. Horrek esan nahi du tabernetara eta jatetxeetara sartu ahal izango garela ( %30eko aforoa izango dute gehienez). Horrez gain, hamabost lagun arteko bilerak baimenduta egongo dira -orain hamar artekoak egin daitezke-. Nafarroan, 200 pertsona egon ahal izango dira ekitaldi publikoetan -1. fasean bezala-, eta itxita jarraitu beharko dute elkarte gastronomikoek, jendetza biltzen delako horietan eta zaila delako segurtasun distantzia mantentzea.

Kalera ateratzeko ordutegiak kenduko dira Euskal Herrian, nahiz eta agian adinekoentzako denbora-tarte bat egokitu.

Bestalde, alarma egoera ekainaren 7ra arte luzatzea onartu du Espainiako Gobernuak.