[ eta ARGAZKIAK] Milaka herritar irten dira kalera Zaldibarren gertatutakoaz erantzukizun eske

Gaur arratsaldean milaka lagun irten dira kalera, Zaldibarko zabortegian gertatutakoaren inguruan Eusko Jaurlaritzari erantzunkizunak eskatu eta azalpenak eskatzeko.  Herritarrek deituta mobilizazio zaratatsuak egin dira Zaldibarren, Ermuan, Markinan, Mallabian eta Eibarren. Gure herriko kaleak zeharkatu dituen manifestazioa jendetsuenetakoa izan da, 2.000 lagun ingururekin. Amaieran irakurritako manifestuan, erantzukizun politikoak eskatzeaz gain, desagertutako bi langileen familientzat lehentasuna horiek aurkitzea dela errepikatu dute eta mobilizazio gehiago iragarri dituzte. Eguen arratsalderako bilera irekia deitu dute, 18:30ean Arrate Kultur Elkartean.

https://youtu.be/XzgRRlhr5VQ

Ermuko biztanleek ere euren haserrea eta kezka azaldu dute. Herri guztia gurutzatu ondoren Sallabenteko saihesbideko biribilgunean amaitu da manifestazioa, txalo zaparrada artean.

https://www.youtube.com/watch?v=pz8gyDox9_c