Mugakide diren herrien arteko mugikortasuna baimendu du Eusko Jaurlaritzak

0    Gizartea 
ETA KITTO ETA KITTO
Mugakide diren herrien arteko mugikortasuna baimendu du Eusko Jaurlaritzak
ETA KITTO 2021, Ots 12

LABIko batzorde politikoak udal konfinamenduak lasaitzea eta inguruko udalerriei bisita egiteko baimena ematea erabaki du. Horrek lasaitua ekarriko die herritarrei eta ekonomiari.

Bizi Berri III planak neurriak gainerako erkidegoekin “harmonizatzearen” alde egiten du. Udal-konfinamendua mantendu egiten da, baina mugakide diren udalerriek jarduera sozioekonomikoak eta kirol-jarduerak egin ahal izango dituzte, eta hobeto definitzen da zer kasutan egongo den baimenduta mugikortasuna kirolarientzat. Astelehenean sartuko da indarrean eta 20 egun barru berrikusiko dute.

Urkulluk azaldu duenez, helburua 60 eta 300 arteko tasa lortzea da, eta bigarren etapa batean 60 baino gutxiago izatea; hori dela eta, Bizi Berri plan berrian erreferentziazko agertokien panela eguneratu dute.

Urkulluk azaldu duenez, erakundeen gidalerroek eta nazioarteko praktikak hartutako neurriak bermatzen dituzte, eta mundu osoko osasun adituak eta profesionalak balioetsi nahi ditu. “Pandemia honetan ez dago errudunik, erantzukizuna bakoitzarena da eta Eusko Jaurlaritzak eta erakunde guztiek pertsonen osasuna bermatzeko neurriak hartzen jarraituko dugu”. Ziurtatu duenez, asteazkenean eskatu zion Sanchezi erkidegoekin beharrezko lege-mekanismoak adostea, erabakiak alarma egoeran berme juridiko guztiekin har daitezen.

Gaiarekin zerikusia duten albisteak

« »