Ortzadarraren koloreak dauzkan bandera igoko dute bihar, Harrotasunaren Nazioarteko Egunean
2023/06/27
11:20
eta kitto!
Ekainaren 28a LGTBIAQ+ Harrotasunaren Nazioarteko Eguna dela eta, Berdintasuna-Andretxeak hainbat jarduera antolatu ditu horren harira: 13:00ean ortzadarraren koloreak dituen bandera igoko dute, Untzagan, eta jarraian elkarretaratzea egingo da.
Egun horren inguruko adierazpena ere irakurriko dute eta “LGTBIAQ+ fobiarik gabeko gunea” idatzita duten txapak eta biniloak banatuko dituzte.
Gainera, Juan San Martin udal liburutegiarekin elkarlanean gaiari buruzko irakurketa-gida eta stand informatiboa ere prestatu dituzte.
