ETA KITTO
Pandemiaren ondorioz zenbait urtez Euskal Herrira etorri ezinik egon ondoren, Saharako umeek uda gurean pasatzeko aukera izango dute aurten ‘Oporrak bakean’ ekimenaren bitartez.
Aurtengo edizioan 100 harrera familia inguruk eman dute izena eta Eibarrera bost haur etorriko dira udan. Batzuentzat ez da lehen aldia izango, baina beste batzuentzat bai. Beraz, familiei beharrezko informazioa emateko, programaren antolatzaileek formakuntza saioa eskainiko dute barixakuan 17:30ean, Armeria Eskolan.
