Udan elikadura-intoxikazioak ekiditeko gomendioak

0    Gizartea 
ETA KITTO ETA KITTO
Udan elikadura-intoxikazioak ekiditeko gomendioak
ETA KITTO 2022, Abu 01

Uda sasoi kritikoa da, tenperatura altuek mikroorganismoak garatzea sustatzen dute-eta. Beraz, zenbait gomendio emango dizkizuegu elikagaiak modu desegokian manipulatu edo kontserbatzeak eragindako gaixotasunak ekiditeko:

 

  1. Animalia-jatorriko elikagaiak behar bezala kozinatu.

Baliteke elikagaiek mikroorganismoz kutsatuta egotea, eta beroak suntsitu egin ditzake mikroorganismo horiek. Produktuaren erdigunean 70 °C egoteko behar besteko tenperaturan jarri behar da elikagaia, bi minutuz, gutxienez. Adibidez:

  • Tortillek ondo eginda egon behar dute.
  • Hanburgesek ere ondo kozinatuta egon behar dute (65 °C baino gehiago, barrualdean).
  1. Elikagaiak jan kozinatu eta berehala.

Ez utzi kozinatutako elikagaiak giro-tenperaturan. Horixe da germenak ez hazteko modurik onena.

  1. Kozinatutako elikagaiak behar bezala kontserbatu.

Kozinatu eta berehala kontsumitu ezin daitezkeen elikagaiak, edo gorde nahi ditugun soberakinak, hotzean mantendu behar ditugu, 6 °C-tik behera.

  1. Kozinatutako elikagaiak behar beste berotu.

Prestatu ostean kontserbatzeko, elikagaiak bero mantendu ditzakegu, kontsumitzeko unea iritsi arte (zopak, pureak, gisatuak…).

Berotan jarri ezin daitezkeen elikagaiak, berriz (entsaladak, gazpatxoak eta abar), hozkailura sartu behar ditugu, berehala. Soberakinak ere hozkailuan sartu behar ditugu, ahalik eta lasterren, eta ezin dute giro-tenperaturan egon bi ordu baino gehiago.

Beti ez da posible izaten otordu bateko soberakinak aprobetxatzea. Ordea, hori egin nahi izanez gero, berotu soberakinak tenperatura altuenean, kontsumitu aurretik (70 °C, bi minutuz). Elikagaiak kozinatu edo berotzeko mikrouhin-labea erabiltzen badugu, fabrikatzailearen aginduak bete behar ditugu, denbora eta potentzia egokia hautatzerakoan. Eta bermatu behar dugu lehen aipatutako tenperatura lortzen dugula.

  1. Ez kontsumitu giro-tenperaturan dagoen elikagai galkorrik.

Tabernetan, kafetegietan, jatetxeetan eta abarretan, elikagai galkorrek beira-arasetan babestuta eta osasun-baldintza egokietan kontserbatuta egon behar dute. Behar izanez gero, hotzetan egon behar dute.

  1. Anisakiasia prebenitzea.

Anisakiasia prebenitzeko, etxean arrain gordina edo gutxi kozinatua prestatuko badugu (antxoak ozpinetan, esaterako), -20 °C edo gutxiagotan izoztuta eduki bost egunez, aurretiaz. Tenperatura hori hiru izar (***) edo gehiago dituzten izozkailuetan baino ez da lortzen. Gure hozkailuak gutxiago baditu, erosi arraina izoztuta, edo izoztuta eduki bi astez, gutxienez.

 

(Iturria: bilbao.eus)

Gaiarekin zerikusia duten albisteak

« »