Zaldibar Argitu plataformak kanpaina onenaren Argia Saria jaso du
2021/02/02
10:03
eta kitto!
Argiako lantaldeak Zaldibar Argitu herri plataformari eman dio 2021eko kanpaina onenaren Argia Saria, “bost hitzekin gaur egungo mundua zalantzan jarri eta milaka pertsonak babesteko moduko programa politikoa laburbiltzeko gaitasuna erakutsi dutelako: Langileak, osasuna, erantzukizunak”.
Argiak adierazi duenez, “Herritarrek behetik gora sortutako mugimendu honek txingurri lana egin du ez zedin ahanzturan erori Joaquin Beltran eta Alberto Sololuze langileen bizitza lapurtu zuen zabor jauzia, inguruak gogotik kutsatu zituena. Borrokan zorrotz jarraitu dute, gaia gori-gorian jarri eta “euskal oasia” sutan irudikatzeraino, mundu mailako pandemia honek gaia ia kolpetik desagerrarazi zuenean ere, lanean jarraitu dute. 2021 honetan, hondamenditik urtea beteko den honetan, bai epaitegietan, baita Europan ere lanean jarraituko dute. Beti komunikazioaren esparrua mimo handiarekin landuz, izan kanta, izan ikurra, izan irakurketak, izan mobilizazio ereduak... zabaltasuna batzea lortu dute beren ideiei ukorik egin gabe”.
Jokin Bergara, Janire Lazkano eta Gaizka Zabarte mugimenduko kideek jaso dute saria.
Argiak adierazi duenez, “Herritarrek behetik gora sortutako mugimendu honek txingurri lana egin du ez zedin ahanzturan erori Joaquin Beltran eta Alberto Sololuze langileen bizitza lapurtu zuen zabor jauzia, inguruak gogotik kutsatu zituena. Borrokan zorrotz jarraitu dute, gaia gori-gorian jarri eta “euskal oasia” sutan irudikatzeraino, mundu mailako pandemia honek gaia ia kolpetik desagerrarazi zuenean ere, lanean jarraitu dute. 2021 honetan, hondamenditik urtea beteko den honetan, bai epaitegietan, baita Europan ere lanean jarraituko dute. Beti komunikazioaren esparrua mimo handiarekin landuz, izan kanta, izan ikurra, izan irakurketak, izan mobilizazio ereduak... zabaltasuna batzea lortu dute beren ideiei ukorik egin gabe”.
Jokin Bergara, Janire Lazkano eta Gaizka Zabarte mugimenduko kideek jaso dute saria.
