ETA KITTO
Nerea Blascok, KAXA gunearen laguntzarekin, Zumba Maratoi Solidarioaren VI. edizioa antolatu du zapaturako. Saioa 10:00etatik 12:00etara egingo da Errebal Plazan, sarreraren prezioa 10 eurokoa izango da (10 urtez azpikoentzat doan) eta Gigil Design dendan (Ego Gain kalea, 15), Ibone estetikan (Romualdo Galdos, 10) eta KAXA gunean (Jose Antonio Gisasola, 4) erosi daitezke. Jasotako dirua Diagnostikatu Gabeko Gaixotasunen Kaltetuen Elkarteari (AFESD) emango zaio.
Ekimenaren bultzatzailea Nerea Blasco den arren, Esther Gonzalez, Maider Lobera, Esti Garcia eta Rocio Bravo egongo dira berarekin eszenatoki gainean. Gainera, Arno DJ-ak musika jarriko du eta sorpresak egongo direla aurreratu dute.
