Haur Hezkuntzako ikasleen dantzarekin hasi dugu Euskeraren Eguna

Haur Hezkuntzako ikasleen dantzarekin hasi dugu Euskeraren Eguna
ETA KITTO 2019, Abe 03

Goizean ekin zaio Euskeraren Eguna ospatzeko egitarauari, Haur Hezkuntzako haurrek egin duten “Zapa-zapa-zapatalari” dantzarekin, BIDEO HONETAN IKUS DEZAKEZUEN MODUAN:

 

Bazkalostean beste bi dantzaldi egingo dira: 15:00etan Lehen Hezkuntzako 4., 5. eta 6. mailakoek polka eskainiko dute eta 15:30ean, berriz, Lehen Hezkuntzako 1., 2. eta 3. mailako ikasleen txanda izango da, pitz dantzarekin. Arratsaldeko 17:15ean, berriz, anbulatorio paretik kalejira hasiko da, Untzagaraino, eta bidean “Euritan dantzan” eta “Inundik inora” kantuekin dantzatuko dute.

Eta behin Untzagara ailegatuta, eibartarrok EUSKERAREN SAREA osatuko dugu. Horrekin batera, eta Eibarko Euskalgintzak eta Eibarren Akebaik antolatu duten egitaraua agurtzeko, 19:00etan euskeraren ordenantza berrien aldeko udalbatzaren adierazpen publikoa egingo da, udaletxeko pleno aretoan.

 

Gaiarekin zerikusia duten albisteak

« »