Abian azoka Ipuruan egingo da datorren astean

0    Hezkuntza 
ETA KITTO ETA KITTO
Abian azoka Ipuruan egingo da datorren astean
ETA KITTO 2022, Mar 18

Abian Debabarreneko V. Lanbide Heziketa Azoka Ipurua foball zelaiko instalazioetan egingo da hilaren 22tik 24ra, Debegesak eta SD Eibar Fundazioak lankide-hitzarmena sinatu ondoren.

Abian azoka Debabarreneko zortzi udalek, Debegesa eskualdeko Garapen Agentziak eta eskualdeko Lanbide Heziketako ikastetxeek antolatzen dute (Armeria Eskola, IMH, Meka Lanbide Eskola, Uni Eibar-Ermua, Kardala Akuakultura Eskola, Mutrikuko Institutua, Eibarko Oinarrizko LH eta Ermua-Mallabiko Oinarrizko LH). Bertan, Debabarreneko DBHko eta Batxilergoko 700 ikaslek baino gehiagok bisita gidatuak egingo dituzte datozen egunotan.

Sarrera librea izango da eta hau izango da ordutegia: 22an 10:00etatik 14:30era, 23an 10:00etatik 14:30era eta 16:00etatik 18:00etara eta 24an 10:00etatik 14:30era.

 

WhatsApp Image 2022-03-18 at 2.17.41 PM

 

Lanbide Heziketa sustatzea helburu

Abian azokaren helburua Lanbide Heziketa sustatzea eta Debabarrenako kalitatezko prestakuntza-eskaintza zabala ezagutaraztea da. Era berean, azokak lagundu nahi du inguruko enpresek beren beharretara egokitutako ezagutza eta gaitasun tekniko-teknologikoak dituzten pertsonak topatzea.

Gaiarekin zerikusia duten albisteak

« »