San Agustin kalea trafikoarentzat itxiko dute bihartik aurrera

Errekatxuko etxebizitzen promozio berriaren baitan, Bidebarrieta eta San Agustin kaleetan egiten ari diren lanak direla eta, San Agustin kalea trafikoarentzat itxiko da bihartik aurrera, zehazki uztailaren 19ko goizeko 08:00etatik uztailaren 22ko arratsaldeko 19:00ak arte. Ostean, kalea zabalik egongo da asteburuan, uztailaren 22ko arratsaldeko 19:00etatik uztailaren 26ko 08:00ak arte, eta berriz ere itxi beharko da egun horretatik uztailaren 29ko arratsaldeko 19:00ak arte. Bestalde, oinezkoak normaltasunez ibili ahalko dira San Agustin kalean zehar, eta autoak zamalanak burutzeko sartu ahalko dira.