[BIDEOA] Ipurterre Ipuin eta Gutun Lehiaketako sari banaketa

[BIDEOA] Ipurterre Ipuin eta Gutun Lehiaketako sari banaketa
ETA KITTO 2020, Mai 15

 

2020ko Ipurterre Ipuin eta Gutun Lehiaketa urtea bezain berezia izan da. Ikasleek sekulako lana egin dute eta mila lan inguru jaso dira aurten ere.

Aurtengo irabazleak ondorengoak izan dira: LH1-2 mailetako irabazlea La Salle Ikastetxeko Eneko Crespo izan da, LH 3-4 mailetakoa, ikastetxe bereko Eider Oyarzabal, eta J.A. Mogel Ikastolako Nahia Jauregi LH 5-6 mailetakoa.

DBHko irabazleak Eibar BHIko ikasleak izan dira, 1-2 mailetakoa Enara Gabiola eta 3-4 mailetakoa Maider Errasti (argazkian bere ahizpa Miren ikusten dugu, Maiderrek ez zuen etortzerik izan eta)

Sari-banaketa ere oso desberdina izan da aurtengoa; izan ere, Unibertsitate Laboraleko Antzokian egitea zegoen aurreikusita, urtero egiten den bezala, baina egoera ikusita ezinezkoa zenez, sari-banaketa ekitaldi birtuala egin da. Tor magoak agindu zuen Eibarrera etorriko zela eta, aurrez aurre ez bada ere magia apur bat bidali du.

Gaiarekin zerikusia duten albisteak

« »