Arrateko Amaren dantzak eskainiko dituzte Kezkako dantzariek domeka eguerdian
2019/09/06
eta kitto!
Domekan, Arrate Egunean, meza nagusiaren osteko prozesioa amaitu eta jarraian, Arrateko Amaren dantzak eskainiko dituzte zelaian Kezka Dantza Taldeak eta Usartza Txistulari Taldeak. Irailaren 8an, 12:30etik aurrera Arrateko zelaian ikusi ahal izango diren dantzak 2005. urtean aurkeztu zituzten estreinekoz Kezka Dantza Taldekoek eta, harrezkero, urtero eskaintzen dituzte Ama Birjiñaren egunean. Arrateko Amaren dantzak XXI. menderako sortu bazituzten ere, Kezkako dantzariek eskeiniko duten dantza-errepertorioak tradizioan sustrai sendoak ditu.
