Skate erakustaldia eta kaleko dantzak antolatu dituzte biharko

Skate erakustaldia eta kaleko dantzak antolatu dituzte biharko
2022/06/10 eta kitto!
Sanjuanak ate joka ditugu eta, girotzen joateko, zapatu honetarako hainbat jarduera berezi antolatu ditu Udaleko Kultura sailak, herriko elkarte eta eragile batzuekin batera. Horrela, bihar 10:30etik 14:30era II. Skate erakustaldia egingo da Untzagan, Hop skate denda eta Ipar akademiaren parte-hartzearekin. Eguerdian, berriz, “Urban Dance” izeneko ekitaldiak beteko ditu erdialdeko kaleak (Julian Etxeberria, Zuloagatarren, Eibarko Bizikleta Plaza, Untzaga, Ego-Gain, Toribio Etxebarria). Eta arratsaldean, 16:00etatik 21:00etara Eibarko VII. Break Dance eta New Style Txapelketak hartuko ditu Txaltxa Zelaiko auditorioak.