220 igerilarik hartu zuten parte Flysch Beltza trabesiaren zazpigarren edizioan

0    Kirolak 
ETA KITTO ETA KITTO
220 igerilarik hartu zuten parte Flysch Beltza trabesiaren zazpigarren edizioan
ETA KITTO 2021, Ira 24

Eibar Igerixanek antolatzen duen igeriketa zeharkaldiak oraingoan ibilbide motzean egin zen bakarrik, hau da, Mutrikuko eta Debako hondartzak lotzen dituzten 3 kilometroko ibilbidean. Eguraldi onik ez bazegoen ere iragarrita, azkenean euria geratu zen eta haizea moteltzen joan zen, horrek proba baldintza onargarrian egiteko aukera eskainiz. Parte-hartzaileen artean, Madril, Aragoi, Errioxa eta Kantabriakoak ere izan genituen, Frantziatik etorritakoekin batera.

Gizonezkoetan Xabier Labaka nagusitu zen, 35 minutu eta 7 segundoko denborarekin, Jon Ulazia (35:33) eta Ander Vilariñoren (35:35) aurretik. Emakumezkoetan Naia Sarasola izan zen lehenengoa helmugaratzen, 37 minutu eta 42 segundoko denborarekin, Eibar Igerixan taldeko Miren Galdosen (42:33) aurretik, eta Joane Arzalluz (44:01) izan zen hirugarrena.

Gaiarekin zerikusia duten albisteak

« »